Daw aelodau at eu gilydd mewn undeb credyd am ddau reswm
1. I sefydlu modd i warchod cynilion ac
2. I ddarparu benthyciadau o’r gronfa gynilion hon.
Gelwir cynilion yn gyfranddaliadau mewn undeb credyd. Does dim yn haws na chynilo gyda Undeb Credyd Plaid Cymru. Llenwch ffurflen gais a ffurflen archeb banc, a'u dychwelyd i'r swyddfa.
Newid eich taliadau misol
Gallwch gynilo cyn gymaint neu cyn lleied ac y dymunwch a newid y cyfanswm misol cyn belled a’ch bod yn llenwi archeb banc. Gallwch hyd yn oed roi’r gorau i gynilo beth bynnag sy’n gyfleus i chi.
Tynnu cyfranddaliadau allan
Er mwyn tynnu cyfranddaliadau [cynilion] danfonwch neges at ein swyddfa.
Llôg ar gynilion
Ar ddiwedd pob blwyddyn ariannol bydd Bwrdd y Cyfarwyddwyr yn cynnig llôg. Bydd cyfanswm y llôg yn dibynnu ar yr hyn fydd wrth gefn wedi talu treuliau a throsglwyddo arian i’r Gronfa Wrth Gefn Statudol. Yn ystod blwyddyn ariannol 2006-2007 talwyd llôg o 2.5% i’r aelodau.
Manteision
Caiff pob aelod yswiriant bywyd yn rhad ac am ddim ar eu cynilion [yn dibynnu ar eu statws].
