NEWYDDION

Swyddfa Cymru

Mae’r Comisiwn Gwasanaethau Cyfreithiol yn cynhyrchu cyfres o daflenni gwybodaeth i’r cyhoedd, sy’n cwmpasu meysydd allweddol o’r gyfraith sifil yn Lloegr a Chymru.

Mae’r taflenni yn y gyfres hon yn rhoi amlinelliad o hawliau cyfreithiol. Nid ydynt yn ganllaw cyflawn i’r gyfraith ac ni fwriedir iddynt fod yn ganllaw ar sut y bydd y gyfraith yn gweithredu ar gyfer pob unigolyn neu unrhyw sefyllfa benodol.

Bydd angen i unrhyw un gyda phroblem gyfreithiol gael mwy o wybodaeth neu gyngor personol i ganfod y ffordd orau o’i datrys. Ar gyfer ffynonellau o wybodaeth a chyngor gweler yr adrannau ‘Help pellach’ dan bob taflen neu gall pobl gysylltu â Galw Cyngor Cyfreithiol Cymunedol i ganfod help cyfreithiol gyda sicrwydd ansawdd.

 Mae’r taflenni hyn ar gael yn ddi-dâl ac maent ar gael yn Gymraeg, Saesneg, Braille a Sain.

 Medrir lawrlwytho copïau unigol o’r wefan www.communitylegaladvice.org.uk

 Mae’r gyfres bresennol yn cynnwys taflenni ar ystod eang o bynciau.

Mae canolfannau a rhwydweithiau Cyngor Cyfreithiol Cymunedol yn darparu gwasanaethau cynrychioli a chyngor cyfreithiol annibynnol a chyfrinachol am ddim ar gyfer trigolion Cymru a Lloegr.  Mae’r gwasanaeth ar gael o Ddydd Llun i Ddydd Gwener 9.00y.b. i 8.00y.p. a Dydd Sadwrn 9.00y.b. i 12.30y.p.

Cewch gyngor cyfreithiol cyfrinachol am ddim trwy alw 0845 345 4 345.  Cewch gymorth gyda phroblemau dyled, tai, cyflogaeth, addysg a budd-daliadau a chredydau treth. Mae galwadau'n costio o 4c/mun trwy llinell BT.  Mae galwadau o ffôn symudol yn costio mwy.   Pryderu am y gost? Gofynnwch i rywun galw chi’n ôl. 

 Pan rydych chi'n galw neu pan rydych chi’n derbyn galwad yn ôl, cysylltydd fydd y person cyntaf fydd yn siarad â chi. Nid ydynt wedi cael hyfforddiant cyfreithiol ond byddant yn gofyn cwestiynau ynglŷn â’ch problem i ganfod pa fath o wybodaeth a chyngor y mae arnoch ei angen.

 Os ydych chi neu rywun rydych yn ei adnabod â mynediad cyfyngedig i'r rhyngrwyd, mae Cyngor Cyfreithiol Cymunedol hefyd ar gael ar deledu rhyngweithiol digidol. Gallwch chwilio am ymgynghorydd cyfreithiol, archebu taflenni am ddim, a chael gwybodaeth ynglŷn â dyled, tai, addysg, cyflogaeth, a budd-daliadau a chredydau treth.

Undebau Credyd a’r Wasgfa Gredyd

Ar raglen ddiweddar ar wleidyddiaeth gan y BBC dywedodd Mark Lynnette o Gymdeithas Undebau Credyd Prydain cyf. bod Undebau Credyd mewn sefyllfa dda i wynebu'r wasgfa gredyd.

Disgrifiodd fel mae undebau credyd yn dod i fri fel hafan ddiogel ar gyfer arian y rhai sy’n fwy gofalus.  Maent  yn llai agored i niwed yn y sefyllfa ariannol sydd ohoni oherwydd mai’r aelodau sy’n berchen arnynt ac yn eu  rheoli.

Nid ydynt yn rhan o’r farchnad stoc, ble gall y cyhoedd hapfasnachu i ennill rhagor o arian ac mae rheolau llym arnynt gan Awdurdod Gwasanaethau Ariannol  (FSA).   Ni all undebau credyd ond rhoi benthyg cyfran o’u harian  ar gyfer benthyciadau.  Yn wahanol i fanciau ni allant fenthyca arian ar gyfer rhoi benthyg arian.

Mae 49,000 o undebau credyd mewn 96 o wledydd gydag asedau o $1.2 triliwn o ddoleri U.D. Yng Nghymru mae 30 gyda 40,000 o oedolion  fel aelodau a 7,500 o aelodau iau. A £16 miliwn mewn cynilion

Yn wahanol eto i fanciau a chymdeithasau adeiladu ni allant ddal cyfranddaliadau a stoc na rhoi benthyciadau i unigolion a chwmnïau nad ydynt yn aelodau o’u hundeb credyd.

Rhaid i holl arian undebau credyd fod mewn banc neu gymdeithas adeiladu.  Mae Cynllun Digolledu'r Gwasanaethau Ariannol sy’n gwarantu cyfrifon banciau unigol a chyfrifon cymdeithasau adeiladu hyd at £50,000 hefyd yn cynnwys undebau credyd.  Fodd bynnag y mwyafswm y gall aelod o undeb credyd ei ddal yw £10,000. 

Gwahaniaeth arall rhwng undebau credyd a sefydliadau ariannol eraill yw bod yr holl gyfrandaliadau a benthyciadau yn cael eu diogelu gan yswiriant bywyd rhad ac am ddim.

Croesawodd Archesgob Caergaint, Dr Rowan Williams gynigion San Steffan fydd yn galluogi grwpiau cymunedol, busnesau lleol, clybiau a chymdeithasau gwirfoddol i ymuno ag undebau credyd.

Meddai Bill Hudson o Ganolfan Gydweithredol Cymru.  “ Mae gan Undebau Credyd rôl hanfodol bwysig i’w chwarae mewn cyfnod o wasgfa ariannol.  Maent wedi eu sefydlu ar egwyddorion cydweithredol.  Nid ydynt o les i unrhywun ar wahan i’w haelodau a chymunedau eu haelodau”