Malcolm Parker

Un o’n gwirfoddolwyr swyddfa prysuraf yw’r Cynghorydd Malcolm Parker.  Fel Swyddog Rheoli Credyd, fe sy’n gyfrifol am geisiadau ac am fenthyciadau a fe sy’n monitro’r ad-daliadau.  Pan nad yw’n gweithio i’r Undeb Credyd a thros ei etholwyr ym Mhontllanffraith mae Malcolm yn mwynhau rhedeg.

Malcolm sefydlodd gymdeithas Road Runners Islwyn ac mae’n Llywydd Oes o’r gymdeithas honno.  Mae’r marathonau mae wedi eu rhedeg yn cynnwys Las Vegas, Israel, Athens, Llundain a Chaerdydd. Ei hoff ras oedd y ras gyfnewid o Gastell Caernarfon i Gaerdydd un oedd yn mynd drwy 30 o etholaethau. 

Mae’n honni iddo ganfasio y rhan fwyaf ohonynt!!

Ein Cadeirydd - Glyn Erasmus

Cefais fy ngeni ym Mhonllanfraith, heb fod ymhell o ble rwyn byw nawr. Dros y blynyddoedd rwyf wedi byw yn yr Almaen ac mewn gwahanol leoedd yn Lloegr. Priodais 42 mlynedd yn ôl â Carol oedd yn enedigol o’r Barri..  Cwrddais â hi pan yn yr ysgol yn Wiltshire.  (Roedd ein tadau yn gweithio gyda’r awyrlu yno.)  Mae gennym ddau fab ,Owain a Simon, y ddau nawr yn eu tridegau.

Treuliais y rhan fwyaf o’m cyfnod gwaith mewn diwydiant, fel dylynydd, peirianydd diwydiant a Swyddog Rheoli Ansawdd. Yn ddiweddarach deuthum yn hunangyflogedig gan weithio ym Mhrydain, Ewrop ac UDA.  Mae’r profiadau busnes hyn wedi bod yn ddefnyddiol i mi fel Cadeirydd presennol yr Undeb Credyd.

Y Cynghorydd Malcolm Parker a’r Cynghorydd Keith Lloyd fu’n gyfrifol am i mi ymuno â’r Blaid a’r Undeb Credyd.  Arferwn chwarae criced a golff ond y Blaid a’r Undeb Credyd yw fy hobiau nawr ac ambell gêm gyfriadurol.

 Ein Trysorydd - Jim Criddle

Cefais fy ngeni a’m magu yn Islwyn (Pontllanffraith, fel ein Cadeirydd, Glyn) a thipyn o flynyddoedd yn ol erbyn hyn roeddwn yn chwarae rygbi dosbarth cyntaf dros Glyn Ebwy.

  Rwyf wedi bod yn Gynghorydd ar Gyngor Bwrdeisdref Caerffili, yn cynrychioli Pontllanffraith, ers 2008. Ar un adeg, roeddwn yn aelod o Gyngor Bwrdeisdref Islwyn am 20 mlynedd. Rwy’n Gadeirydd y Pwyllgor Cynllunio, aelod o Bwyllgor Archwilio Polisiau ac Adnoddau, Panel Datblygyu Cynaladwy, a chyn gadeirydd y Pwyllgor Archwilio; aelod o Fwrdd Llywodraethol dwy ysgol, Pwyllgor Rheoli Cyfrifon Pensiwn Gwent, Archifau Gwent, Archifau Morgannwg, y Cyngor Llyfrau Cymraeg, Cadeirydd un partneriaeth lleol ac aelod gweithgar o un arall, ac yn fyfyriwr OU parhaol – digon i’w wneud gyda’m hamser felly!

Mae gan drysorydd ystod eang o ddyletswyddau. Maent yn cynnwys darparu adroddiadau ar gyfer aelodau Bwrdd y Cyfarwyddwyr, Awdurdod Gwasanaethau Ariannol, Ford & Warren (Cyfreithwyr), Williams & Ross (Archwilwyr) a Llywodraeth Cymru.

Mae’n ofynol i mi sicrhau sustem dderbyniol o’r llyfrau, o’r cyfrifon, cadw anfonebau a thaliadau, monitro ac adrodd ar berfformiad yr Undeb Credyd yn unol â’r Cynllun Busnes.